Édition du bullaire (1093)

(1092) – 89. – Bulle GB, article (1093).

(1093) – (GB01), 20 novembre 1408.

Laplume (47).

[f. 231v] \Est quedam transactio facta super venditionem XLV sol. redditus domino Vitali Martini per dominum Bernardum de Agassano./ Item plus, in quadam alia bulla sive instrumento cotata per litteram GB continetur qualiter quod, cum lis, questio fuissent a partibus infrascriptis^a), ‹quia› olim providi viri^b) Bernardus de Agassano, quondam habitator loci de Pluma¹, vendidisset domino Vitali Martini, presbitero, quondam Agenni capellano dum vivebat quarumdam cappellaniarum in ecclesia cathedral{l}i Sancti Stephani Agenni fundatarum, videlicet summam quadraginta quinque solidorum annui et redditus perpetui de super omnibus et singulis bonis mobilibus et inmobilibus presentibus et futuris, ad hoc per dictum Bernardum obligatis dicto domino Vitali Martini, capellano predicto seu ejus in futurorum successoribus dictarum capellaniarum annuatim, solvendam in festo Nativitatis Domini, et hoc precio et summa viginti unius franchorum auri cum septem solidis monete tunc currentis, et computando pro quolibet francho sexdecim grossos auri, et cum prefatus dominus Bernardus ab eodem domino Vitali summam jam dictam habuisset et se tenuisset pro bene pacato, quo contento ut plenius constabat per quo‹d›dam^c) instrumentum super hoc passatum, et deinde, Deo prebente, Messer Vidal ^d)Martin, jam diu est, dies suos clausit de vita ad mortem transseundo extremos. Post cujus decessum dicte capellanie in manus alienas seu alios capellanos devenerunt [f. 232r] quibus, ut ibidem dictum fuit, seu aliquibus dictorum cappellanorum dicti redditus per eumdem quondam Bernardum de Agassano aut ejus successores^e) solvi et pacari cessati fuerunt, itemque longe diu est quod cessarunt redditus predictos solvere. Hinc fuit et est quod, die et anno in instrumento contentis, Garsias Arnaldi de Agassano, filius et heres dicti quondam Bernardi de Agassano, ejus patris, dicti loci de Pluma habitator, quiquidem Garsias, volens litibus fugere et pacem de premissis mutare^f), ne in futurum suos heredes sive successores et cappellanos dictarum cappellaniarum^g), gratis confessus fuit se facere, solvere et bene debere discretis viris dominis Guilhermo Panaterii et Johanni de Cauce, presbiteris dictarum cappellaniarum, videlicet dictos quadraginta quinque solidos cum moneta illo tempore currenti, computando pro quolibet franco sexaginta arditos^h), annuatim, per dictum Garciam Arnaldum de Agassano ratione premissorum preffatis cappellanis et eorum successoribus succedentibus, in dicto festo Nativitatis Domini solvendosⁱ⁾. Quosquidem quadraginta quinque solidos prefatus Garcianus Arnaldus de Agassano assignavit super tota illa borda, in honoris^j) Plume sita, vocata Agassan dicto Garcie Arnaldo pertinenti^k) cum pertinentiis suis, et sic assignavit sub omnibus bonis mobilibus et immobilibus cum pactis in instrumento contentis. Datum anno Incarnacionis M^o quadringentesimo octavo, die XX^a prima mensis novembris. Sic signatum : Guydo Tonquine, notarius.

a) Manque un mot mote ? — b) Sic cod. pour providus vir ou le groupe sujet est incomplet. — 
c) quoddam B, D. — d) Vital B, C D. — e) successoribus B, D. — f) Sic cod. pour ad pacem de premissis mutare? pacare/pacem de premissis mutatis B, pacare de premissis mutatis D. — g) ne in futurum … capellaniarum, passage incomplet. — h) arditorum B, D, arditae C. — i) solvendorum B, D. — j) Sic cod. pour honore, honore C. — k) super totam illam bordam, in honoris Plume sita, vocatam Agassan dicto Garcie Arnaldo pertinentem B, D.

Note

1. Laplume (47).